#BABAK KA 1
(Penulis : Muhamad diya ulkamil
Alhamdulillahirobbil alamin,wassolatu wassalaamu ‘ala asyrofil anbiyai
walmursalin, aalaa alihi wasohbihi ajmaiin, ama ba’du
KANJENG RASULULLAH SAW. NAMPI PANGKAT ROSUL
DINA YUSWAOPAT PULULH TAUN
Saparantos kanjeng rosul nikah ka siti khodijah, teras bumen-bumen
di nagri mekah almusyarofah, istuning runtut rawuh repeh rapih lucu
taya pisan pacekcokan nana, sili asih sili ayunkeun kapalai, estu matak
lucu carek, paripaos tea mah, kacai jadi saleuwi kadarat jadi salogak.
Dinten ka gentos ku minggu,minggu ka gentos ku sasih, sasih ka gentos
ku taun, kanjeng sareng siti khodijah hanteu saat-saat di gayuh ku hujan
rohmat. Ayuena parantos kagungan sababarah putra anu janten
buah manah aranjeunan nana.
Barang yuswa kanjeng cekap pisan opat puluh taungarwaan nana
ka Siti Khodijah,anjeuna di paparin nugraha nu puhar ku nu maha kawasa,
nyaeta anjeuna di turunan wahyu, dipaparin pangkat rosul,
kalawan di sumpingan malaikat Jibril alaihi salam.
Saparantos anjeuna nampi wahyu, lajeung anjeuna ngajak-ngajak ka kaum
nagri makkah kana agama anu hak, kana ibadah ka gusti Allah,
nyelir nilar agama anu musyrik sareng adat tobiat anu keji,
ku jalaran urang mekkah di haru-haru di ganggu agamana anu cek
manehan nana mah, agama bener, sehinga puhara ngangalawanna puhara
ngabantrakna sehingga toh pati jiwa raga dina ngabela agamana.
Nanging sanaos urang mekkah puhara ngamusuhan nana,
puhara ngahalang-halangna kana kana pangajakna kanjeng nabi,
anjeuna hanteu gedag ka anginan hanteu unggut ka linuan, tetep tengterem
anteng ngajak kana agama anu hak kalawan manah anu pinuh ku kayakinan,
sareng kasabaran, dugi kadhohirna agam anu hak,
katingali cahyana agama islam moncorong nyaangan ka alam dunya,
pangajakna kanjeng nabi ka urang nagara mekkah di sarengan ku ninglikeun
hujjah-hujjah anu pertela, katerangan katerangan anu pertela,
sehinga seuseueurna urang mekkah, sanaos lisanna hanteu kadugaeun ngaku
kana kabeneran nana kanjeng nabi, nanging hatena mah ngaku kana benerna
kanjeng nabi sarta rumasa kana ka apesan ngalawan hujjah-hujjahna.
Ku margi kitu, urang nagara mekkah anu di kapalaan ku Abu Jahal
nadamel riungan permuwafakatan, anu putusan nana bade ngundang
Habib bin Malik urang nagara majani, anu parantos ka celuk
ka awun-awun ka koncara ka unggal nagara, yen anjeuna hiji pendeta
anu parantos lega ambahan nana, puhara elmuna, legok tapak genteng kadekna,
yuswana parantos sartus opat puluh taun. Nah saparantos Abu Jahal kenging
ka putusan kitu, kalintang pisan bungahna, gede deui hatena,
geus kerenyeng hayang geura jig indit ka nagara majani.
Hiji waktos Abu jahal pendak sareng hiji pameget bangsa bani Majjum
urang mekkah keneh, ujug ujug ger wae Abu Jahal ngambek, pokna ;
Abu Jahal; ‘’yeuh cik atuh sing boga pikiran, piraku anjeun hanteu ngadenge
ayana muhammad,geus hanteu euleum-euleum,
hanteu di dingding kelir di sindang siloka, ngakuna jadi
utusan ngaku katurunan wahyu, da dewekmah sumpah
kalawan kaagungan nana pangeran Lata jeung Uja,
jeung pangeran habalul A’la, lamun Muhammada rek keukeuh
pateukeuh ngaku jadi Rosul, keukeuh ngajak ka babaturan
dewek, awas ulah sembah kaniaya !!!’’,
curuk Abu Jahal ngomongna kitu teh bari acung-acungan, sungutna kekerot.
jawab lalaki eta ‘’ duka atuh da abimah teu terang’’,
Abu Jahal ;‘’piraku atuh da anjeun teh teu torek hanteu lolong,
ayeuna ku anjeun ulah hanteu di bejakeun ka Muhammad
caritaan kawula tadi, jeung bejakeun cek dewek, mengges
kituh, ulah ngomong hanteu paruguh ! ‘’.
Saterasna di lanjut BABAK KA 2 dinten KEMIS Payun
wassalamualaikum................................
